Osasun mentalaren nazioarteko eguna dela eta, hainbat jarduera antolatu ziren egunean zehar egun hori nabarmentzeko, buruko gaixotasunen bat duten pertsonengan gizarteak eragiten duen estigmatizazioa lantzeko eta ospitalean dauden pertsonen eta beste pertsona batzuen arteko konexioa jarduerak partekatuz sustatzeko.
ASTELEHENA, URRIAK 7
Donostiako San Juan de Dios Ospitalearekin eta Gurutze Gorriko URTMSrekin batera, hainbat petanka txapelketa jokatu zituzten Donostiako Ondarreta hondartzan, aste horretako ostegunean osasun mentalaren munduko eguna ospatuko zela eta, hori nabarmentzeko.
OSTEGUNA, URRIAK 10
Ospitaleak eta UDAk (Aretxabaleta Kirol Elkartea) txapelketa bat antolatu zuten, eta bertan, UDAko eta Arizmendiko 12 eta 13 urteko gazteek, entrenatzaileek, ospitaleko pazienteek eta Athletic Club Fundazioko eta Real Sociedadeko jokalariek batzen dituen jarduera partekatu ahal izan zuten: futbola.
Taldeak konbinatuak ziren eta unean bertan antolatu zituzten, eta erakutsi zuten ondo pasatzeko ez dela beharrezkoa irabaztea, gustuko duzun eta gozarazten zaituen jarduera beste norbaitekin partekatzea baizik, bakoitza nondik datorren kontuan hartu gabe.
OSTIRALA, URRIAK 11
Biharamunean, eta ostiraletan herrian azoka egoten dela baliatuz, I. AZOKA SOLIDARIOA antolatu zen; ospitaleko pazienteek egindako lanak jarri zituzten salmentan, eta bestelako artelan batzuk ere izan ziren ikusgai.
Buruko gaixotasunei buruzko informazioa emateko ere baliatu zen aukera, aurretiaz ditugun ideiak aldatzeko eta ospitaleko boluntarioen lanari buruzko informazioa emateko.
Interesatuei prentsa-oharra banatu zitzaien; ohar horren bidez, buruko gaixotasunen inguruko aurreiritzien gaineko gogoeta egitera gonbidatu nahi du gizartea “Garbitu zure objektiboa” erredakzio-taldeak (buruko gaixotasunen bat duten San Juan de Dios ospitaleetako pertsonek osatua). “Beharrizan berberak ditugu, interesak, ilusioak eta beldurrak ere baditugu”. “Gure desioak eta gure motibazioak ere bai. Gauza txikiak ere gustatzen zaizkigu, ez gara zure desberdinak”. “Gainera pertsonek dituzten erantzukizun berberak ditugu, gure kasuan, gainera, gizarteak guri buruz dituen aurreiritziak eta desinformazioa gehitu behar zaie”. “Buruko gaixotasuna eta indarkeria ez dira gauza bera”.
(Bideoa eta artikulu osoa hemen: https://hsjd.es/es/comunicacion/noticia/limpia-tu-objetivo-somos-personas-con-una-enfermedad-no-somos-la-enfermedad)
Oso arrakastatsua izan zen, bai hurbildu ziren pertsonen harrera eta aintzatespenagatik, bai eta salmentekin lortutako diruari dagokionez ere. Bildutako dirua, ospitaleko barneko salmenten diruarekin batera, pazienteek erabakiko duten proiektu solidarioan erabiliko da.
Denentzat aberasgarria izan zela uste dugu; denbora hori hitz egitera hurbildu ziren pertsonekin partekatzeko aukera izan zutelako, normalizazio inguru batean.
ASTEARTEA, URRIAK 15
Asteartean, hilak 15, MARKEL IRIZAR ARANBURUren bisita izan genuen; Markel eliteko txirrindularia da, besteak beste, Euskaltel-Euskadi, Radioshack eta Trek Segafredo taldetakoa izandakoa.
Bere bizimodu pertsonal eta profesionalari buruzko dokumental labur bat eskaini zuen, eta ondoren emandako hitzaldian azpimarratu nahi izan zuen bizitzak eskaintzen dizkigun erronken aurrean –profesionalak, familiarrak, kirol arlokoak izan- edo ditugun edo izan ditzakegun gaixotasunen aurrean norberaren jarrerak oso garrantzi handia daukala.
Benetako BIZIPOZaren jarrera positiboa eta gainditzeko nahia.
