Eskizofrenia duten pertsonak zaindu eta horiei laguntzeko beharretik sortutako AA erabiltzen duen osasun pertsonalizatuko proiektua da, tratamenduak eta ospitaleko hobekuntzak bisitekin eta etxeko baimenekin bateratu ahal ditzaten.

LAGUN_ESQUIZOFRENIAren xede nagusia pazienteen jarraipenerako, desoreken antzemate goiztiarrerako eta berreritzeko arrisku-egoerak identifikatzeko tresna integral adimenduna garatzea da, osasun-langile klinikoek eskizofrenia duten pertsonei eskaintzen dieten zerbitzuaren kalitatea hobetzeko.

Plataformak tratamenduak eta ospitaleko hobekuntzak bisitekin eta etxeko baimenekin bateratzea ahalbidetuko du. Informazioaren eta komunikazioaren teknologien (IKT) eta adimen artifizialean oinarritutako konponbideen erabilerak ospitaleko jarraipen deszentralizatua ahalbidetzen du.

Monitorizazioaren eta langile klinikoek etengabe eta urrunetik jasotako informazioaren bitartez, LAGUN_ESQUIZOFRENIA-k dinamika malguagoa sustatuko du, non etxeko zaintzak ospitaleetako zaintzekiko geroz eta antzekoagoak diren, eskizofrenia duten pertsonen desorekak era goiztiarrean antzematea ahalbidetuz eta berreritzeak murriztuz.

Atentzio-puntu berria: Pertsona eta komunitateetan ardaztuta LAGUN_ESKIZOFRENIA zaintza-ekosistema osoaren (senitartekoak, sektoreko erakundeak eta profesionalak) kohesio handiagoa eta tratamenduarekiko atxikidura hobetzea ekarriko duen eredu bat lantzen jarraitzeko tresna bat da.

Buru-nahasmendu larriak historian zehar ikusezin egin eta eskubideen urraketarekin lotuta egon dira. Horri batzen zaio errekuperaziorako ikuspegietan tratamendu farmakologikoak lehenetsi direla, esku-hartze psikosozialen bateratze egokia bigarren mailan utziz.

Ikuspuntu hori, gainera, bat dator Eusko Jaurlaritzaren Zientzia, Teknologia eta Berrikuntza Planarekin (PCTI 2030), zeinak pertsonen eta haien familiengan fokuratutako zaintza-modelo berria lehenesten duen.

Proiektuan 3 enpresek hartzen dute parte: KUIK, init Group eta Vicomtech.

*Eusko Jaurlaritzaren Ekonomiaren Garapen, Jasangarritasun eta Ingurumen Sailak eta Europako Funtsek (FEDER) finantzatutako proiektua